Deporte

Regata Lajareu 2010

Enviado por O mestre o Xov, 02/09/2010 - 18:09


O vindeiro sábado, día 4 de setembro, vai ter lugar en Ribeira a Regata Lajareu, con saida desde a praia de Coroso ás 16:00, e que está organizada por Lajareu por Barlovento.

Regata do Bao

Enviado por O mestre o Mér, 25/08/2010 - 21:04

O vindeiro sábado 28 vai ter lugar a Regata do Bao, na Illa de Arousa, organizada pola ACD Dorna. A saida será ás 16:00 desde a praia do Bao.
Esta regata é a única que ten a súa saida desde terra e cos barcos sen aparellar, polo que é moi espectacular.
Actualización: no blog da ACD Dorna tendes unha crónica da Regata do Bao, coa clasificación dos participantes

Concentración e Regata de Clásicos. San Vicente

Enviado por O mestre o Mér, 25/08/2010 - 20:54
O vindeiro domingo 29 de agosto vai ter lugar en San Vicente do Mar a terceira Concentración de Barcos Clásicos, organizada polo Club Nautico San Vicente. A saida está prevista para as 11:30. O percorrido será desde San Vicente a Camouco, Picadillo, Lanzada e San Vicente. O sábado haberá xornada de portas abertas e cea para os participantes.

Nova regata da Copa Balbina

Enviado por O mestre o Xov, 19/08/2010 - 19:35

Os Patexeiros organizan o vindeiro sábado 21 de agosto unha nova regata da copa Balbina en Sada. A saida será ás 17:00 horas e no seu blog hai unhas precisas indicacións sobre as normas a seguir para participar.

III Regata de Dornas de San Vicente

Enviado por O mestre o Mér, 11/08/2010 - 12:31

Organizada por Amigos da Dorna Meca e o Club Náutico San Vicente do Mar vai ter lugar o vindeiro sábado 14 de agosto a III Regata de Dornas de San Vicente. A saida será en Pedras Negras ás 16:00 horas.

Actualización: a clasificación da regata foi:

1. Fuxe, de Manolo Parada
2. Lamaschica, de Daniel Otero
3. Maristela, de Claudio Ameneiro

Club con máis dornas participantes: Asociación de Amigos da Dorna Meca

Cambio de data da Regata do Bao

Enviado por O mestre o Mér, 11/08/2010 - 11:34

A Regata do Bao cambia a súa data, pasa para o 28 de agosto, ás 16 horas.

XXVI Volta á Arousa. Segundo intento

Enviado por O mestre o Ven, 06/08/2010 - 12:14

Mañán vai ter lugar a XXVI Volta á Arousa, ás 16:00 h e en segunda convocatoria, xa que na primeira data houbo que suspender pola predicción meteorolóxica.
Actualización: os resultados desta edición da Volta podedes velos no blog da ACDDorna

III Regata Calmoseira

Enviado por O mestre o Mar, 27/07/2010 - 13:48

O vindeiro sábado terá lugar a III Regata Calmoseira. A saida será en Cambados ás 12:00 e a entrega de premios será ás 15:00 horas.

VIII Regata de Embarcacións Tradicionais "Porto de Redes"

Enviado por O mestre o Dom, 18/07/2010 - 21:08


Os vindeiros días 23 e 24 de xullo vai ter lugar a VIII Regata de Embarcacións Tradicionais "Porto de Redes"?, organizada polo Club Marítimo de Redes.
O 23 será o Desafio Redes-Irlanda, entre o Sauntress e o Abur. Pola noite haberá cea (20 euros) e os interesados deben apuntarse no Club de Tenis de Redes ata o xoves 22. O 24 ás 16:30 h será a VIII Regata, e rematará con entrega de agasallos e uns pinchos.
Os interesados en participar na regata poden enviar un correo cos datos da embarcación a cmr@caamouco.net.

XXVI Volta a Arousa

Enviado por O mestre o Mar, 29/06/2010 - 20:01

O vindeiro sábado 3 de xullo vai ter lugar a vixesimosexta edición da Volta a Arousa, unha das regatas de dornas máis importante e que está organizada pola ACD Dorna.
A saída será desde a praia do Bao da Illa de Arousa ás 16:30 h. O ano pasado tomaron a saida 62 dornas, un espectáculo que paga a pena ver.
Actualización: a regata foi suspendida a causa da predicción meteorolóxica que daba fortes ventos.

A nova da data da regata é o 7 de agosto ás 16 horas.