No Espai Marina Tradicional do Salón Náutico de Barcelona participou João Paulo Baptista, representante da Associação Barcos do Norte, onde, ademais de expoñer un moliceiro, fixo unha presentación sobre os barcos tradicionais do noroeste portugués (1,5MB), da que son autores el mesmo e Ivone Baptista de Magalhães.
A mensaxe que no fondo transmite é a importancia de non esquecer os nosos barcos:

É un documento de gran interese, que recomendamos ler de vagar.
A foto de arriba está tirada da presentación, e é un panel decorativo feito con restos de barcos, pola associação ADRIP, Cacela Velha, Tavira, no 1986.
Actualización: solucionados os problemas para abrir o arquivo

O vindeiro día 24, despois da presentación do libro Guía das embarcacións tradicionais de Galicia, vai ter lugar unha mesa redonda sobre a Vela tradicional en Galicia.
O acto está organizado pola Editorial NigraTrea de Vigo, que publica o libro mencionado, e as asociacións A Rabandeira e Amigos de Valle-Inclán, ambas de Vilanova de Arousa.

Na mesa participarán:

• Jesús Blanco, autor do libro.
• Fernando Piñeiro, Presidente da Federación Galega pola Cultura Marítima e Fluvial.
• Luís Iglesias, Presidente da Asociación de Embarcacions Tradicionais “A Rabandeira”.
• Cándido Barral, Presidente da Asociación “Amigos de Valle-Inclán”.

E moderará Gonzalo Allegue, editor de NigraTrea.

A presentación e a mesa redonda serán ás 20:00 horas na Casa da Cultura do Esteiro en Vilanova de Arousa.

Anfaco en colaboración coa Consellería de Pesca, organiza unha serie de conferencias sobre o sector, que pretenden difundir entre a sociedade o importantisimo papel da industria conserveira no pasado e no presente, a súa evolución, e repercusión no desenvolvemento socioeconómico de Galicia.
As conferencias, abertas ao público en xeral, están a cargo de Xoan Carmona, Catedrático de Historia das Institucións Económicas da Universidade de Santiago, e un dos mellores especialistas neste tema. En A Nosa Terra hai unha interesante entrevista co profesor Carmona.
A próxima conferencia será o día 13 no Auditorio do Concello en Vigo ás 20:00 horas. As seguintes serán en Coruña e Vilanova de Arousa. Máis información no programa.

A Asociación de Amigos da Dorna Meca ten o pracer de convidarvos á presentación do número 4 da Revista Ardentía, "O mar tamén ten mulleres", que terá lugar o próximo día 21 de Abril na Galería Lembranza-Sargadelos, no número 53 da Rúa Castelao, ás 20:00 horas.
No acto, amenizado por Manuel Parada Mascato, intervirán:
Lino Prieto, presidente da Asociacion e presentador.
Luís Rei, director da revista.
Eduardo Parada, membro da Asociación e colaborador da revista.

O vindeiro día 29 de marzo vaise presentar o número 4 de Ardentía, "O mar tamén ten mulleres", no Museo do Mar de Galicia, en Vigo.
Será ás 20:00 horas no salón de actos do Museo e contará coa presencia de Pablo Carrera, director do Museo, Luís Rei, director da revista, Lola Varela, investigadora e membro do consello de redacción da revista, Fernando Piñeiro, presidente da FGCMF, e Carme Adán, Secretaria Xeral para a Igualdade da Xunta de Galicia.
Ademáis de presentar o novo número de Ardentía tamén se vai falar da presencia da muller no mundo do mar, do próximo VIII Encontro de Embarcacións Tradicionais de Galicia en Ferrol, e da presencia de Galicia como invitada de honra en Brest en 2008.
Máis información na nota de prensa

Está a circular polos portos galegos unha mostra que pretende informar sobre as áreas marinas protexidas. Organizada polas Consellerías de Pesca e Medio Ambiente, fai uso dunha antigua goleta, a Nieves, que recorrerá parte do itinerario da exposición, e o resto farase por terra, en Pósitos e Locais sociais.
Mais información na páxina de novas da Xunta, onde está o itinerario completo coas datas correspondentes.

Xa están activos os actos de Muros mira ao Mar. Dentro das actividades terá lugar a III Concentración de Embarcacións Tradicionais. Mais información na Voz de Galicia

No 31 de Maio vai ter lugar o "Día do Pescador. Memoria e reencontro" na Póvoa de Varzim. Pódese ter máis información no web da Biblioteca Municipal da Póvoa

 

Finaliza a primeira xeira das Conversas do Axexo cunha mesa redonda sobre a crise do bocarte.

Baixo o título A crise do bocarte, cambio climático ou sobrepesca?, Carmela Porteiro e Edelmiro Ulloa conducirán unha mesa redonda onde cadanseu exporá a súa visión do problema para logo abrir un debate público. A mesa redonda terá lugar o vindeiro martes día 31 de xaneiro as 20:00 no salón de actos do Museo do Mar de Galicia con entrada gratuíta.

Na década dos noventa do século pasado, a pescaría de bocarte no Golfo de Biscaia rendeu unha media superior as 28.000 toneladas por ano. Esta abundancia, xunto co prezo acadado polo peixe e en conxunción ca crise de sardiña, motivou que moitos barcos do ardora galego fixeran a costeira do bocarte que se desenvolve en primavera en augas do Cantábrico. En grande medida, defenderon eses anos grazas ás costeiras de bocarte. Non obstante, a partires do ano 2001 o nivel de novas colleitas de peixe (recrutas ou peixes nados nun ano determinado) caeu a mínimos nunca vistos na serie histórica. Sendo unha pescaría moi dependente destas colleitas anuais, os rendementos caeron de xeito constante, o que levou implícito á adopción de medidas especiais de xestión do recurso. En 2005 só se capturaron 1.152 toneladas.

Esta grande crise, nunca vista anteriormente, é motivo de controversia, xa que logo semella difícil detallar e cuantificar os motivos que propiciaron a mesma Ler máis»

O vindeiro xoves 12 de xaneiro as 20:00 no salón de Actos do Museo do Mar de Galicia, terá lugar a conferencia "A historia do somerxible Sanjurjo e de outros prototipos españois" por Diego Quevedo, subtenente da Armada, e un dos máximos coñecedores da historia naval sobre somerxibles de España, quen ten escrito varios artigos e libros ao respecto, en especial sobre Isaac Peral.

O Museo do Mar de Galicia segue a render tributo a Verne a traveso da súa programación. Ao inicio este martes de obradoiros científicos para escolares que complementan ás unidades didácticas que se levan a cabo dende o mes de novembro, o novo Ciclo de As Conversas do Axexo, salientará dous aspectos importantes na obra de Verne: o desenvolvemento industrial e a divulgación científica. Ler máis»