Asociacións

Euskal bateleroak

A asociación Euskal Bateleroak acaba de abrir o seu blog. Esta asociación de bateleiros vascos agrupa máis de trinta propietarios de bateis de varios portos de Euskadi.
No seu blog poderedes atopar información sobre a asociación, o calendario de actividades, e fotografias.

Associazione Vela al Terzo

Asociación da zona de Venecia que promove a recuperación dos barcos tradicionais venecianos con vela ao tercio.
No seu web hai abundante documentación sobre os seus barcos e as súas actividades.

Sociedade Galega de Historia Natural. Delegación Ferrol

A delegación en Ferrol da Sociedade Galega de Historia Natural ten na rede un blog moi activo e con moitas imaxes.
A SGHN-Ferrol é unha asociación con máis de 30 anos de experiencia na defensa do medio ambiente, que colabora con entidades a asociacións relacionadas co mar, por exemplo participou no VIII Encontro en Ferrol, e que mantén unha UCI encargada de atender e recuperar lobos mariños e focas (dos que as fotos son magníficas), entre outras moitas actividades.
Ademais desto a SGHN ten un Museo da Natureza moi importante pola cantidade e variedade dos seus fondos.

Federación Galega de Redeiras Artesás “O Peirao”

As redeiras e atadoras de Galicia teñen presencia na Rede a través do web da Federación Galega de Redeiras Artesás “O Peirao”.
A Federación, naceu no 2004, co obxectivo de dignificar a profesión.
Pretenden mellorar as súas condicions de traballo e ingresos, aumentar a visibilidade na sociedade, mellorar a formación e garantir o relevo xeracional.
No seu web pódese acceder a información sobre as socias e o seu traballo, as actividades que desenvolven e documentos de utilidade para o sector. Son especialmente interesantes as conclusións dos encontros de redeiras, porque dan unha informacion moi clara da situación no sector e das medidas que a Federación está a levar a adiante para mellorala.

Aclunaga

Aclunaga é o cluster do sector naval galego, e agrupa a 133 empresas que cobren todos os segmentos da cadea de valor da construción naval (desde estaleiros e enxeñerias ata sociedades de clasificación e certificadoras).
Nacido para mellorar a competitividade e impulsar o desenvolvemento do conxunto de empresas que integran o sector, as súas liñas de traballo principais son:
Fomentar o diálogo entre as empresas, representar ao sector en iniciativas de interese, identificar necesidades comúns, e ser centro de información estratéxica.
No seu web pódese ter unha visión das súas act Ler máis»

Asociación Remadoira

A Asociación Recreativo-Cultural para a Promoción e Fomento da Vela Tradicional Remadoira, de Vigo, ten no seu web listaxes das súas actividades e dos seus barcos, con gran número de fotos.

Centro Náutico Moitense

O Centro Náutico Moitense, situado no concello da Moita, no rio Texo, ao sur de Lisboa, ofrece no seu web información sobre as súas actividades, entre outras ten unha moi interesante sobre modelos de barcos tradicionais telecomandados, e unha colección de fotos de embarcacións tradicionais do Texo.

Federación Andaluza por la Cultura y el Patrimonio Marítimo y Fluvial

A Federación andaluza por la cultura y el patrimonio marítimo y fluvial, cos obxectivos de difundir, salvaguardar, fomentar e recuperar o patrimonio, ofrece neste web información sobre as súas actividades.

Albaola

Albaola é unha asociación de Pasai Donibane, e o seu obxectivo principal é a construcción e tripulación de réplicas de embarcacións tradicionais vascas.
No seu web pódese ver información sobre os seus barcos, o asteleiro que posue, e outro tipo de actividades relacionadas.

European Maritime Heritage

Asociación Europea de Patrimonio Marítimo. Está formada por colectivos e persoas relacionados coa súa actividade de toda europa. Pódese consultar o seu boletín e listas de eventos e enlaces moi interesantes.

Distribuir contido