O vindeiro 20 de Agosto a Asociación Sueste de Moaña organiza o trofeo Javier Cortizo de Dornas a vela.
A saida será do peirao de Meira ás 4 da tarde.

No marco da Festa do Mar 2005 o vindeiro 20 de Agosto vai ter lugar o Campionato galego de pesca ao corrican GP Aires Combarro 2005,coa participación de dornas e motoras.
Os interesados poden ter máis información no programa

A Regata de Palmeira e xa unha clásica, que organizan os nosos compañeiros de Lajareu por Barlovento, saírá as 16,00 do porto de Palmeira e darlle a volta a Illa de Rúa como xa é tradicional. Espectacular no seu percorrido que e de verdadeira beleza, non todolos días un ten a oportunidade da mirar a "Carabeliña" de perto ou conversar co "Falante de Rua".

A segunda cita e Cangas onde os amigos do C.N. Rodeira, habituais nas nosas regatas poñen a andar a súa primeira Regata, unha magoa a coincidencia no calendario que obrigará a facer eleccións as dornas.
Rendiráse a Ponte de Rande o poder Dorneiro?
Manterá Peixe o seu atervido "look ibisenco"?. Ajuantarallo Tomás ?

(Información de F. Piñeiro, foto Luís da Fonte)

Os vindeiros 30 e 31 de xullo terá lugar a Festa do Rio en Monforte.
Xestionada por Barcas do Minho, co patrocinio do Concello de Monforte de Lemos, e na que colaboran A Figueiriña-Lanchas do Sil, Amigos do Patrimonio de Lemos, Fundación Xosé Soto de Fión e Barcos do Norte.

Xa está disponible o programa definitivo.

Onte, dia 22 de xullo, inaugurouse no Museo do Mar en Vigo a mostra As visións do bacallau. Consta de dúas exposicións de fotografías, "Bateaux de Glace" de Lucien Girardin, e "A Campanha do Argus" de Alain de Villiers, e dunha montaxe que recrea as condicións de vida dos mariñeiros portugueses e galegos que protagonizaron a pesca do bacallau en Terranova.
Permanecerá aberta ata o día 11 de setembro, de martes a xoves de 10 a 14h e de 17 a 22h, venres e sábado de 10 a 14h e de 17 a 23:30h, e domingos de 10 a 22h.

A Real e Ilustre Cofradía da Dorna organiza a Festa da Dorna, que este ano fai o LVII (57 para os que non lean romano) aniversario.
De paso decirvos que acaba de remodelar a sua web, e nesa web hai máis información sobre a Festa. Toda a semana está habendo actos, pero será no fin de semana do 23 e 24 de xullo cando arrecie o "temporal"

Os vindeiros 23 e 24 de xullo terá lugar a III Regata-Concentración de Embarcacións Tradicionais a Vela Porto de Redes organizada polo Club Marítimo de Redes. Na súa magnifica web pódese descargar o cartel e o triptico da deste ano, e ver fotografías das dúas edicións anteriores.
A organización informa no foro de Caamouco que non se vai realizar a "Festa das cábrias" como consta no tríptico, e que o grupo "Sin ánimo de lukro" será sustituido por "Blues Lee".
Recomendámovos unha visita pausada por este foro, porque ten cousas interesantes (fotos, etc)

A Comisión do VII Encontro, contratou unha poliza de Responsabilidade Civil para o mesmo e aproveitando a ocasión inclueu as actividades que desenvolvan os Asociados da FGCMF. hasta o 30 de decembro do 2.005, durante os fins de semán.
Aínda non temos a copia desa RC. pero sabede que esto existe, deste xeito por exemplo podería darse que Os Galos non teñan que suscribir R.C. para os seus encontros deste próximo fin de semán.
Contactade coa Federación para ter máis información.

Desde Amigos da Dorna Meca avisannos que a Regata dos Faros, que estaba prevista para o vindeiro 23 de xullo, pasa para o día 30 de xullo.

Esta semana con motivo do IX Encontro de embarcacións Tradicionais de Bueu estanse levando a cabo unhas actividades organizadas pola Asociación "Os Galos" de Bueu e o Museo Massó.
Onte, falou Emilio Louro sobre o Proxecto Mar de Lira, hoxe,as 20:00h, Sese Otero Castro falará sobre a restauración do Hidria. Mañán, día 14, as 20:00h, farase a presentación do número dous de Ardentía, a revista da Federación. E o venres, Antón Masa, da Asociación pola Defensa da Ría falará sobre a problemática do litoral da ría de Pontevedra.
O sábado, arribarán as embarcacións, e navegarán frente a Bueu. Ás 22:00h terá lugar unha cea para os tripulantes.
O domingo, ás 12:00h farase unha travesía saindo do muelle de Bueu, pasando por Pedra Branca, a Illa do Santo, e regresando a Bueu.
As charlas mencionadas serán no Museo Massó, e así mesmo haberá visitas guiadas no Museo.