Parece que o caso de Sant Pol non está tan craro como semellaba nun principio. En El mar es el camí a resposta de ADEAC, a organización que xestiona as bandeiras azuis, contradice o afirmado polo Concello, e suxire que se está facendo un uso "interesado" da defensa do patrimonio marítimo. E como proba afirma que en anos anteriores a praia tivo bandeira azul e a varada de barcas facíase sen problemas.

Respecto de Galicia, na listaxe de praias con bandeira azul no 2009 aparecen: Area Brava, Menduíña e Nerga en Cangas, Area de Bon en Bueu, e Canido e Fontaiña (arriba na foto) en Vigo. Todas elas son praias con zonas tradicionais de varada.

Parece entón, se non aparecen máis datos, que o concello de Sant Pol aproveitouse da defensa do patrimonio marítimo para cubrir outras deficiencias.

Información sobre gamelas e zonas de varada en Mar da pedra e no blog Mardapedra

Unha nova entrega da serie Mar por dentro, que nos mostra a vida dos peixes e mariscos que máis apreciamos para comer. Neste caso fala dos peixes de area: rodaballos, sollas, e linguados.

O Clube Mariño A Reiboa, inaugurou o luns 26 de abril a exposición Patrimonio do vento e do sal no I.E.S. do concello de Poio. Esta exposición rotará polos centros de ensino do concello durante as próximas semanas e pretende con esta, concienciar a os máis xóvenes na importancia da conservación deste patrimonio marítimo. Para organizar esta exposición, o Clube Mariño A Reiboa, contou ca colaboración da Federación Galega pola Cultura Maritima e Fluvial e co Concello de Poio.

As Terceiras xornadas da Asociación de Museos e Centros de Patrimonio Cultural Marítimo de España terán lugar no Museo do Mar de Galicia os próximos 25 e 26 de Maio baixo o título: Patrimonio Intanxíble Marítimo: retos e oportunidades para a súa posta en valor.
Ademáis do patrimonio intanxible tamén se vai falar da arqueoloxía subacuática á que vai estar adicado o segundo día das xornadas.
Tanto no apartado de patrimonio intanxible como no de arqueoloxía o programa é completo e moi interesante, co obxectivo de coñecer o estado actual da investigación nestes temas, e promover sinerxias entre os actores presentes neste campo, nomeadamente Museos e Centros de Patrimonio e Asociacións e ONGs.
A asistencia é gratuita, previa inscrición.
Máis información, programa e formulario de inscrición

Se hai pouco falabamos dos problemas dos veciños de La Atunara, na Linea, agora toca dar unha boa nova, que indica que algo se está a mover nas administracións.
O Concello de Sant Pol de Mar, en Cataluña, acaba de renunciar a ter bandeira azul nunha das súas praias porque a entidade que otorga as bandeiras puxo como requisito a eliminación de varadas de barcas.
O Concello no seu comunicado di que "pretenden sacar de nuestras playas los elementos tan característicos de la vida de pueblo y del patrimonio local como las barcas de pesca o el entoldado de la fiesta mayor, uno de los requisitos que nos sugieren para otorgarnos la bandera azul".
Esperemos que cunda o exemplo e a xente vaia entendendo que barcos e comunidades mariñeiras son o mesmo e non se entenden un sen o outro, e que os barcos sen as instalacións e modos de uso que lle son propios tampouco se poden entender.

Foto: Joan Sol
(Vía El mar es el camí)

Ademais da noticia sobre a de Purro da que falamos anteriormente, esta semana a prensa recolle:
A presencia do Nauja en Moaña para facer base xunto con Baiona e Vigo no programa do CEMMA "Navegando entre illas"
A visita a Malpica de un grupo de ONGs e agrupacións de pescadores europeas onde tiveron un coloquio sobre o futuro da pesca, poñendo de manifesto como a pesca artesanal se está relegando en favor da industrial.
Tamén se recolle a presentación do último informe de Greenpeace sobre a pesca en España.

A nova que esperamos todos ainda non chegou, pero si temos dúas positivas, a primeira que un grupo de hosteleiros da Banda do rio, en Bueu, van enviar unha petición á Cultura para que se conserve e poña en valor a carpintería de Purro e a outra é que a páxina de Facebook Salvemos o estaleiro xa ten 777 siareiros.
Arriba podedes ver un video sobre o bote polbeiro de Bueu, con gravacións de principios do século XX e unha pequena entrevista a Víctor Domínguez, presidente dos Galos.

O Santa María Manuela rematou a súa estadía en Marín e volve a Aveiro este domingo 2 de maio. A chegada a barra do Porto de Aveiro esta prevista para as 15:30 horas.

O domingo será un grande día para a xente de Aveiro. Parabéns a eles, e parabéns á Pascoal, empresa que investiu 8 millóns de euros para recuperar este lugre, nunha iniciativa máis que meritoria, guiada polos seus valores: Tradição . Patriotismo . Qualidade . Inovação . Confiança
Desexámoslle boa singradura, e esperamos velo pronto en mares galegos.
Foto: Mário Marnoto
(Vía Caxinas...)

SonDeSeu, a orquesta de música folk que naceu da Escola Municipal de Música Folk e Tradicional de Vigo, está de xira presentando o seu novo disco Barlovento.
Este disco está adicado a todos os que traballan para que a cultura marítima galega siga viva, conservando a tradición e mirando ao futuro.
Nesta entrevista a Rodrigo Romaní e Chisco no programa Otros acentos de Radio 5 teredes cumprida información sobre a orquesta e Barlovento.
Actualización: tamén entrevistaron a ambos no programa Discópolis de Radio3.

O galeón Industrial está a punto de volver á vida. Están rematando os traballos de restauración deste fermoso barco, que previsiblemente veremos navegar este verán.
Máis información e fotos en Dornablog