En Xixón, no marco do Día Europeo do Mar, o Museu Maritím de Barcelona e o Museo do Mar de Galicia, en representación de entidades e asociacións españolas defensoras do patrimonio marítimo flotante, fixeron unha declaración pública, que conta co apoio de European Maritime Heritage.

Este Manifesto en favor do patrimonio marítimo flotante do estado español ten como obxectivo a incorporación dunha enmenda a futura lei de navegación marítima española, que actualmente está en fase de redacción, que recoñeza o carácter cultural do patrimonio marítimo a flote e que promova a súa conservación en uso, preservando os saberes inmateriais asociados á elas.

A FGMCF está a participar activamente na campaña para lograr a incorporación da enmenda, e forma parte dos grupos de traballo formados para tal fin.

Neste momento as entidades que apoian a enmenda son: Ler máis»

O vindeiro 22 de maio, vai ter lugar no Freixo a Xornada conmemorativa do Día Europeo do Mar Un mar de saberes.
Organizada pola Consellería do Mar, constará de tres conferencias a cargo de Victor Fernández, presidente da FGMCF, Gerardo Triñanes, presidente de Agalcari, e Jose Manuel Vázquez Lijó, historiador.
Ademáis haberá un recital poético, paseo por mar e visitas a dúas carpinterías.
A inscrición é gratuita e está aberta ata o 20 de maio.
Programa e folla de inscrición

O Asociación Lefre de Caldereta e o Club do Mar de Ferrol organizan para mañán 16 de maio unha navegación pola ría de Ferrol para celebrar o Día das Letras Galegas. A ruta será de Curuxeiras á bocana da ría, logo ata Astano e volta a Curuxeiras indo ata o Carbonero.
Ás 12:00 h sairá unha lancha de Curuxeiras que acompañará aos barcos que participen na navegación.
Logo de chegar a terra a festa seguirá polas rúas de Ferrol.

A Asociação de Ex-Marinheiros da Armada de Vila do Conde e a Comissão de Festas de S. João de Vila do Conde organizan do 18 ao 20 de xuño o VIII Encontro de Embarcaçoes Tradicionais de Vila do Conde que conta cun completo programa.
Os interesados en asistir cos seus barcos deben preencher a ficha de inscrición e enviala por email ou carta antes do 31 de maio.

O próximo día 14, terá lugar no Casal de Ferreiros do concello de Poio, unha conferencia sobre a importacia de preservar o patrimonio maritimo de galicia a cargo de Víctor Fernández, presidente da Federación Galega pola Cultura Marítima e Fluvial, está organizada polo Clube Mariño A Reiboa en colaboración co concello e ca FGCMF. Este acto coincide ca exposición de pintura mariñeira de Moncho Lastra que permanecera aberta ata o día 18 de maio.

A asociación Euskal Bateleroak acaba de abrir o seu blog. Esta asociación de bateleiros vascos agrupa máis de trinta propietarios de bateis de varios portos de Euskadi.
No seu blog poderedes atopar información sobre a asociación, o calendario de actividades, e fotografias.
O vindeiro 31 de xullo van organizar en Getaria o Batelero eguna 2010
Parabéns aos bateleiros por este blog e desexámoslle bo vento e longa vida.

Máis de vinte asociacións de Ferrol van presentar alegacións ao plan do Ministerio de Fomento para a construcción do acceso ferroviario ao Porto Exterior de Ferrol.

As obras previstas por Fomento implicarán, se non se modifican, a práctica desaparición da posibilidade de navegar na enseada da Malata. Afectarán á Graña e á Cabana, e específicamente van afectar ás instalacións náuticas da zona, que dan servizo a gran número de persoas, e entre estas instalacións está o dique de marea da Cabana, un dos máis antigos de España.

A solución que plantexan estas asociacións é a construcción dun tunel submarino, e caso de que non sexa posible, a modificación do proxecto para permitir a navegabilidade da enseada da Malata.
Máis información no Diario de Ferrol
Actualización: O Concello de Ferrol tamén presentou alegacións

Chega a Festa das letras e como todos os anos marca o comezo da temporada de navegación na Arousa. Os barcos novos irán ao mar por primeira vez. Pronto veremos o Bao cheo de dornas, e pronto a Escola de Navegación Tradicional volverá a ferver de xente con ganas de navegar.

(Vía blog ACD Dorna)

O pasado 18 de abril tivo lugar o bota abaixo do canote ou barco de fundo de prato de Fonte Boa no sitio da pasaxe de Barca do Lago, no rio Cávado en Esposende. Este canote pertence á ADRC Fonte Boa.
Máis información e fotos en Barcos do Norte

Mañán 11 de maio vaise inaugurar no Museo do Mar de Galicia ás 19:00 horas a exposición Historia do principe e a sardiña. A expedición científica de Albert I de Mónaco ás costas de Galicia e Portugal.
Á inauguración contará coa presenza da científica Carmela Porteiro.
Esta exposición, da que xa falamos anteriormente, é de entrada gratuita e vai estar aberta ata o 11 de xullo.