O día 11 de xuño ás 20:00 horas, terá lugar no Museo Massó a presentación do libro: Género, trabajo y niveles de vida en la industria conservera de Galicia, 1870-1970 de Luisa Muñoz Abeledo, que xa ten publicado varios traballos relacionados co mercado de traballo nas industrias marítimas galegas.

A Asamblea Ordinaria da FGCMF decidíu o pasado venres 4 de xuño por unanimidade aprobar a candidatura que presentou a ACD Rompetimóns para organizar o X Encontro de Embarcacións Tradicionais de Galicia en Carril o vindeiro ano.
A candidatura de Carril conta co apoio da Asociación Marítima e Cultural Vilaxoan e do Concello de Vilagarcía. Tamén o Parque Nacional das Illas Atlánticas, ao que pertence a Illa de Cortegada apoia o evento.

Podedes ver en Scribd o dosier presentado para defender a candidatura ou descargalo directamente (6.7 MB). Os datos do programa que constan no dosier son provisionais, pero ainda que será o Comité que se forme para organizar o Encontro quen finalmente establecerá o programa definitivo, intentarase que o exposto se leve adiante.

A noticia da aprobación no Faro de Vigo e outra sobre os primeiros traballos que se van facer.

O vindeiro día 12 de xuño vai ter lugar en Portonovo a III Regata do Sepelo. Organizada polos Amigos da Dorna de Portonovo, o seu percorrido, coma sempre, será de dúas voltas a un circuito que partirá dende as inmediacións da punta do muelle e rematará na mesma zona. As boias de virada variarán en función do vento que haxa ese día para que os "largos" non sexan directos.

VI Regata fasquía
O pasado sábado 5 de xuño tivo lugar o VI Trofeo Fasquía, organizado pola ACDX Fasquía, e que marca o comezo da temporada de regatas.
A gañadora foi a Jalerna, seguida da Nécora e en terceiro lugar a Fuxe. Na foto de arriba podedes ver a Jalerna de Cartarola e Ricardo intentando pasar á Fuxe, dos Parada.

Xa comezamos os traballos para mellorar este sitio web. Polo momento pode haber algúns problemas puntuais polos que pedimos desculpas. Intentaremos normalizar o web o máis pronto posible.
Xa temos activo un novo filtro para evitar a entrada masiva de lixo no foro e nos comentarios como estaba a suceder ultimamente. Esperamos que agora se poidan facer comentarios con facilidade.

A apariencia gráfica actual é transitoria. Seguimos a precisar de opinións sobre como mellorar o web, calquer idea pode ser importante para todos. Podedes usar os comentarios ou o foro para botar unha man. Ler máis»

Hoxe sábado 29, a partires das 22:30 h o programa cultural Eirado, da tvG2, adicará unha reportaxe ás asociacións que forman a Federación Galega pola Cultura Marítima e Fluvial.

O vindeiro fin de semana poderase visitar o Santa María Manuela de 09:30 a 12:00 e 14:00 a 18:00 (hora de Portugal).
Neste momento o barco está ultimando os traballos de certificación para facer a súa primeira viaxe comercial en agosto.
Na foto de arriba podedes velo no Cais dos Bacalhoeiros da Gafanha da Nazaré, acompanhado do Argus, que espera a súa vez para ser restaurado.

(Foto: Luis Miguel Correia)

No ano 2002 como produto do curso Olhar do Real fíxose un documental/entrevista que ten como protagonista a Joao Baptista, un dos fundadores de Barcos do Norte e persoa significada na defensa e divulgación das embarcacións tradicionais, especialmente as propias do norte de Portugal.

Esta semana a Voz de Galicia da conta da celebración do Día Marítimo Europeo no Freixo, coa presenza de membros dos proxectos europeos Fishernet, Nea2 e Dorna.
O Faro de Vigo recolle a re-botadura da dorna Banda do rio, no estaleiro de Purro, en Bueu.
E tamén o Faro informa da finalización dun estudio arqueolóxico e etnográfico das Ons, e especialmente da recollida de microtoponimia. Este estudio foi encargado polo Parque das Illas Atlánticas.

O vindeiro sábado 22 de maio vai ter lugar no estaleiro de Purro en Bueu a botadura da dorna Banda do Rio. Para celebrar o evento haberá mexilloada para os asistentes.

Respecto da situación da de Purro non hai novidades, segue sen pronunciarse a Consellería de Cultura. Como exemplo a seguir neste caso pódese ver a situación do estaleiro de Ondartxo, que acaba de abrir as súas portas ás visitas públicas e onde vai ter a súa sede Albaola. Neste estaleiro gárdanse máis de trinta barcos pertencentes á Diputación Foral e o Untzi Museoa, e conta cun taller de carpintería de ribeira onde se construen ou reparan barcos de interese patrimonial.

(Vía Salvemos o estaleiro)