Regatas ....

Podo admitir e admito, que no campo das regatas se pode avanzar mais, alguén está a decir por ahí que se fagan regatas de bucetas que xa hai de abondo e tamén e unha vella aspiración da "flota grande", e decir, galeóns e outros de ter unha regata onde medirse e opino que sería xusto de cara a estimular a todo mundo facer unha competición na que todo o mundo poida estar, na "Parrocheira" en Ferrol "compiten" todalas embarcacións en irmandade e o final unha entra de primeira o cal non quere decir mais que eso.

No que non estou nada de acordo co Sr. Ochoa e no termo "fosilización", non penso que exista fosilización nunha embarcación cando esta cumpre o seu obxectivo e esta maximizada para cumplir a súa faceta competidora-dinamizadora-divulgadora. Vaiamos a mais pero non comparemos pois si algo funciona decentemente o cal non quere decir "a tope" son as nosas regatas de dornas (envexa do mundo enteiro), que xa pasaron por intentos de "modernización" e xa de algún xeito viñeron "o carro" e hai quen opina que ainda deben vir mais.

Sí, opino que todo o mundo, dun xeito mais ou menos velado, vai a ver quen anda mais (nas xuntanzas dase) e que sería un bon obxectivo regular unha regata "multitipoloxia", temos xente que o demanda, pero non toquemos o que esta "ben" agás para meioralo si se pode.

Afectuosamente, Sorro.

Olá boas tardes!!
Pois visto o que aquí escribe o Sr. Ochoa. Veñenme moitas cousas a cabeza. a 1ª que os anos anteriores estiven competindo nunha embarcación de menos eslora ca típica de regata, polo tanto a pertencente a unha clase baixa. si nos referimos a que os 6,7,8 son de clase media.
A vela estaba fora das medidas que corresponderían a este tipo de eslora(era bastante máis grande), pois bem, como nunca conseguín bos postos nunca me puxeron ningún problema para competir nin nada polo estilo.

Agora bem neste mismo momento estou nunha situación totalmente diferente a anterior, teño un barco que pasa das medidas legais (según o reglamente existente para competir). pero..... a vela sí está dentro do reglamento.
Que pasa? pois me explico.
Que si o barco é pekeno podes meterlle unha vela como unha sentella que non pasa nada, pero si é grande mentras que non pases do tamaño da vela permitido, non hay problema.
Polo tanto considero que o reglamento igual ten algúns fallos e polo que se pode ver hoxe en día si non ganas non hay problemas.
Así, que si sirve a modo de resposta ao Sr. Avelino. Sempre que non janes, non te preocupes que podes competir :). un saúdo.

Campeón que non janas.... e non por falata de elas, non estou de acordo contigo, terías unha vela pasada de medida, pero sería como as dos demais, para unha dorna de 9 cuartas (e non coñezo moitas de menos) e feita por Julio ou por Campos. Tes razón, nas regatas non se adoita medir por que o obxectivo si ben é a competición -opino- o mais iportante e a participación, estiven en algunha regata onde o afan de competición acabou en palabras mal sonantes. Si algo me parece ben e ese "pasar complacente" que temos os que por alí nos movemos o final tampouco pasa nada, ollo tamén entendo que os que se xogan os trofeos, entrenan, aparellan o dedillo e etc. queiran velar polos seus intereses nun momento dado, pero o pelotón complacente "pasa" e a min pareceme moi ben, que ninguén se pase !!, tampoco estaría ben, pero todos sabemos quen somos, e ninguén se pasa ou polo menos eu non me entero.

Polo demais si somos personas, cousa que non dudo na maioría o Regulamento está ben, e tamén seguro que se pode meiorar, pero ollo nese momento todos a medir, xuices etc. etc. PARA TODOS, na miña opinión haberá que esixir que todo o moundo cumpla no principal e si algún listillo vai de eso, pois ala él. Gañar con xogando con ventaxa non é gañar é facer trampa.

E para Avelino, hai regatas onde se permite a presencia de todo tipo de barcos, exemplo a Volta a Illa e ademais din que se agradece.

Bicos. O Sorro.

Pois polo visto non estás moi o tanto, pois quero que sepas que as dornas máis pekenas non son as de 9 cuartas. Si eso era o que pensabas.
A Dorna pekena da que che falo, ten unhas 7,5 cuartas e mide 3,90mtrs.
Polo do tamaño das velas que che comento eu solo digo o que me dixeron os entendidos. Un saúdo

Por partes:

1. Da gusto ler o Regulamento. É moi bo. Reflicte un coñecemento profundo das dornas e da súa navegación
Debería ser obligatorio lelo e sabelo. Ademáis, sen dúbida, foi un trabalo concienzudo, ben feito, traballoso, incluso con planos que non son fáciles de ver noutro sitio. En fin: o regulamento é, aparte da sua propia función normativa, unha obra de arte.

2. Este extraordinario regulamento cumpleu unha función impagable: dar a coñecer a dorna, entendida como embarcación tradicional, e as caracteríticas dela. Consigueu, axudou, que a dorna non morrese a través da dedicación desta embarcación ó ocio nun intre no que estaba a piques de ser, só, embarcación para xubilados e fixo que puidera resistir o embate das planadoras de fibra.

3. É, ademáis, unha embarcación que non representa un custe extraordinario -que tamén é unha das razóns da súa supervivencia histórica- porque se sigue a facer, sabiamente, cos mínimos materiais: as cinco táboas, o palo, a vela cuadra e pouco máis.

4. Si calquera modificación deste Regulamento implica prexudicar o desenvolvemento actual das regatas, non valerá a pena

5. Fronte a esto hai que vela cuestión coma un todo: carpinteiros, fundamentalmente, inmobles, xuntanzas, compañeiros, aficións, deporte, espectáculo...e resulta, sen dúbida, que permitir a competición da "flota grande", do resto das embarcacións tradicionais, sempre que estén dotadas do CIM -porque si non serían prexudicadas as dornas- fará que esta parte da cultura marítima xa non sexa vista como a afección dunha minoría e, polo tatno, poderá ser un impulso non só para as competicións en si mesmas, senón para todo o que a rodea: carpintaría, efectos navales, etc.

A ver se falamos ben:
Eso de vela cuadra a parte de non axustarse é verdade sona fatal.
Neste enlace
http://www.modelismocolombia.com/images/barcos-de-vela.jpg
vese a diferencia entre unha vela cuadra (como as do San Juan de Nepomuceno) e a vela ao tercio (das nosas dornas).
Dornas mais pequenas que as de 9 cuartas hainas coma o trigo: No Taller de Ramón Blanco hai unha en reparación agora mesmo, a chouva non tiña nove cuartas, no muelle do Grove hai outras poucas...
que siga a festa

Como Dios!! e seguro que si vas por Carreira, Aguiño, Ribeira, Palmeira, etc. atoparás moitas de 7,5. 8, 8,5 e que sei eu, pero cando falamos de regatas non me refiero oa todalas dornas do mundo, refierome as das regatas, e pode haber algunha de 9 menos 2 e o meior unha de 8,5 así como unha de 9,5 (estou pensando en "Lamaschica", na "Maaruxa" ou na "Carminha" ou na "Estela") pero andan unhas 60-70 dornas en regata e ese número non é representativo , ademais non me midas as dornas por eslora, midense por cuartas de quilla e a algunhs carpinteiros as de 9 cuartas saénlle un pouco mais largas que a outros, pero son de nove cuartas, e no regulamento acotase tamén a eslora para non dar lugar a confusións ou fasquías raras. Lembro cando en Riveira se decía que as dornas de Arousa eran de mais de 9 cuartas, non sei si ainda o din hoxe. Pero preguntandolle a R. Blanco, a súas eran de 9 cuartas a rondaban a eslora dos 4,45, que decía o regulamento para estas dornas.
De todolos xeitos o regulamento tamén recolle a vela que lle corresponde a cada tipo de dorna.

Bueno, que todo sexa para pasalo ben.

Tamén hai unha cousa na que eu non me atrevo, e no do tipo de vela, que si é o tercio ou non, recoñezo a miña ignorancia no tema, pero eu tampouco considero a da dorna como un tercio, pois non vai exactamente o tercio, de feito a verga da dorna debe medir aprox. 1,90 e vela tomase aproximadamente a unha distancia que pode varíar (dito con todo o respecto do mundo) ente 30 os 50 cm. dende a cabeza da verga "asejun", consideramos eso "un tercio"?.

Bueno que todo vaia ben e con saudiña.

O Sorro.

Mais Competición?

Seguramente, dende o meu punto de vista, sera bon, todo o mundo precisa estimularse de algún xeito, a algúns chegaránlle os salseiros ou a sensación do temón no pulso, pero a outros gustalle o "picadillo" o do picante o do quen anda mais e non cabe dubida, o ano que ben teremos 4 ou 5 galeóns senon 6 ou 7 no mar e unhas 3 dornas de tope, porque non desenvolver unha norma de regata para eles, e incluso diseñar unha regata a medida onde compitan a Xeiteira o Luisa o Novo Sofia, a Meca .... tes razón Avelino, seguro que habería un bonito "pique", din que a Rabandeira anda mais que a Meca e que a Xeiteira anda moito con vento.
Dende aquí podería quedar tendido o reto, que alguén colla o "ghuante" e xa a temos armada, alguén pensou en facer a "Subida a Muros", saíndo por exemplo dende A Illa ou o Grove ou Portonovo ... por decir.

Despois poderíamos facer o do CIM, que veñan os doutores e que dictaminen. A min pareceme moi ben.
Imaxinademos:

En velas cangrexas: Nova Sofía, Joritas, Luisa, Eliseo, Avelino e Manuel, Illa de Cortegada, Comaira, Vieta, Sara ou Airexa e por outra banda no apartado de relinga: Peza de Rabo, Nova Marina, Rabandeira, Meca, Lavanqueira ... Quen da mais???? E ainda esquencín algún.
Ou "maches rais" Sara-Lavanqueira. ou ...

Pois adiante, non é somente un alucine do momento, no seu día FGCMF ideo o "Desafío a Tope", pois resulta que medrou e ampliou.

O Sorro, despois de comer algho que sabia ben.

Para fundamentar a miña postura quero transcribir parcialmente algún contido do regulamento:
1. INTRODUCCIÓN (...)
"..estas modificacións defenderán sempre a navegación tradicional desta embarcación, excluíndo calquera tipo de innovación que desvirtúe as condicións de navegación, os aparellos ou as manobras de por sí naturais das dornas"
(...)
2.NORMAS DE OBRIGADO CUMPRIMENTO
"...O Regulamento que estamos a definir afectará as regatas das Dornas Polbeiras de ata 9 cuartas"

"...O EMPANETADO: As dornas deberán estar equipadas co empanetado que lle corresponde, completo"

"A CONSTRUCIÓN: Con piñeiro do país tendo as táboas un espesor mínimo de 1 cm..."

"...O sistema de construción será de tingladillo, contando con tódalas pezas tradicionais que forman a súa estrutura básica.Así contará coas correspondentes táboas da obra viva e obra morta. Do mesmo xeito respectará a distribución interior tradicional, e nonnpoderán excluirse os seguintes elementos: -Corredores,´-cofiño ou cofete, -banco de escota, -panel de popa ou couso,- cadeira ou viveiro, -panel de meo, -Tilla ou banco de meo, -banco do pau ou fogonadura, -escotillón (aberto ou pechado), -proa, -remadoiras"

"...AS ESCARVAS:ë de obrigado cumprimento que os calimes das táboas do plan, que forman na dornaa característica do tingladillo, estén perfectamente definidos e á vista..."

"...Pintado da obra viva: No seu acabado no n se permite o tratamento con pinturas compostas, esmaltes ou resinas ou calquera outra aplicación de dous compoñentes, que forme unha capa endurecedora sobre a madeira..."

"...pintado da oba morta: Poderá utilizarse directamente sobre a madeira, a pintura tradicional (de aceite), alquitrán, barniz ou protectores de madeira que non teñan compoñentes epoxídicos ou formen capa endurecedora..."

"A VELA: Será de Drin, Malla, Nylon, ou Dracón con un gramaxe non inferior ás 2,5 onzas..."

"...non está permitido levar sables de madeira, nin calquera outro reforzo no sotavento da vela que faga a función dos mesmos..."

A ESCOTA: Non se permite a instalación e manexo de doble escota..."

PROHÍBESE EXPRESAMENTE: O uso de winches, poleas, cañíns, mordedores e carros de escota"

NA NAVEGACIÓN: Prohíbese expresamente o uso de palancas esbarantes, soportes, trapecios ou calquera outro medio artificial que permita soportar o peso dos tripulantes fóra da dorna..."

BOMBAS DE ACHIQUE: POderán utilizarse aquelas construídas con tubo evacuador e membrana succionante, que funcione mediante sistema manual de rebose de auga. ESTA PROHIBIDO: a instalación e manexo de calquera artefacto ou aparato de navegación eléctrico ou electrónico. Calquera outra innovación no descrita nos puntos anteriores e que non teña unha base de utilización tradicional e sin evolución dentro da embarcación estará prohibida..."

"...A embarcación cun peso de 100 kgs. a bordo debe ter unha flotabilidade, unha vez adrizada, de 15 cms. dende o mar ó barrote..."

"...Sobre a quilla: a súa altura será de 16 cm. como máximo e de 10 cm. como mínimo..."

"...en cada regata deberá levarse unha sola vela, que deberá estar de acordo coas medidas (ou medias?) do seu grupo..."

"...PARTICIPACIÓN na regata. É imprescindible o ter en vigor o cartón de navegante da FGCMF ou calquera outra acreditación de similar prestación (licencia federativa,etc)..."

"...ASEMBLEA DE ASOCIACIÓNS DE DORNAS A VELA AADV..."
"...asemblea de navegantes de dornas a vela andv..."

Bueno pois teño que dicir que cando escribin "vela cuadra" -que eu tiña a idea de que tamén se podía denominar así ás das dornas- non utilicei o término adecuado porque a denominación da vela dunha dorna é de relinga ou ó tercio. Dimo unha autoridade na materia coma Lino Prieto, así que acepto a corrección

Para O Sorro: Teño que dicirche que a Dorna sara vai a levar ¡¡¡¡¡¡¡¡¡¡¡¡¡¡¡¡APARELLO MARCONI!!!!!!!!!!!!! .

E, por certo, xa me apunto a esa subida a Muros.

Moi ben así me ghusta, xa temos o primeiro inscrito na Vou Ousean Muros. Veña hai que irse animando.

Animo patróns.

Sorro.

Ochoa!!! non me amoles, con vela cangrexa, como no proxecto.... esa dorna con Marconi non lle queda bem. o bonito é con cangrexa, pero tí mismo. un saúdo.

Eu tamén me apunto. E si o tempo o permite, e meu fillo o quere, levarei grumete. Redondela - Muros en tres ou catro singladuras. Ali nos veremos.

Bonito, como di S.Mörling, seguro que é dentro do que etamos acostumados a ver, o que mellor se adapta ós nosos conceptos. ¿E por qué non é bonito un actual aparallo Marconi, nun casco clásico, a xeito clásico, coma o dunha dorna? ¿Cál é a razón -e só falo de estética- para que sea máis bonito un aparello de cangrexa? Seguramente porque é anterior ó marconi...?

Pero o tema da Dorna Sara pretendo velo dun xeito diferente: "confío" no deseño tradicional, que representa a acumulación de coñecementos de moitas xeneracións e "non poden estar equivocados", para as nosas rías, "confío" na sabiduría dos nosos carpinteiros de ribeira e, especialmente, na que me demostran día a día os irmáns Garrido, pero tamén "confío" en tecnoloxías como a electrónica, e, entre todo eso, non renuncio ás comodidades derivadas da náutica de ocio -eu non vou a facer unha dorna para ir á langosta á Guarda- e, por eso, leva a electrónica necesaria, e irá dotada de comodidades interiores -ata auga quente, tv, camarotes, cociña,etc- ademáis de ser completamente habitable. Pode que sexa unha idea para facer máis coma ela...aínda que ¿haberá quen se atreva?...

Con respecto á marconi trátase de sinxeleza e facilidade de manexo: este aparello pódeo manexar un só tripulante -que será o meu caso na maioría das saídas-, o de cangrexa complícao todo. Seguro que con rumbos portantes poderá ser mellor unha cangrexa, o que xa non ocorre con rumbos de ceñida, no que o marconi funciona mellor; por outra banda para rumbos portantes hai que ter en conta que levará un yankee, e, en todo caso, tamén se poderá ser máis rompedor (quizá un algo hortera) colocándolle un spi...

De tódolos xeitos, este post é para falar do Regulamento, aínda que, como é lóxico, para min, é interesantísimo que se fale da Dorna Sara, e por egoismo se critique agora que está en construcción porque será de axuda e, por eso, hai unha web na que se pode seguir toto o proceso (http://www.dornasara.com ). O da Dorna sara e o regulamento son dous temas algo relacionados porque coa Dorna Sara non poderei competir conforme ó Regulamento que, resulta obvio, non se vai a modificar por culpa dun capricho, pero insisto en que creo, polas razóns antes indicadas, que unha vez conseguidas as finalidades do Regulamento (entre eles popularizar as regatas de dorna, impedir o ocaso desta embarcación e darlle vida a este movemento), debería ser modificado sempre sin deixar de fomentar a navegación de dorna ó xeito tradicional.

Non estou nada de acordo contigo, no tema de que a vela cangrexa non se pode manexar por unha soa persoa. Eu naveguei con este aparello varias veces e manexase perfectamente por unha soa persoa. Pode que o rendemento en ceñida non sexa coma o de unha vela Marconi pero para o meu gusto a vela cangrexa estéticamente vaille perfecta. Pero bueno éste é un pensamento persoal meu. Por certo, ¿por qué este cambio de vela? Según a miña información en principio levaba vela cangrexa.
Saúdos.

Pois xa o intento dicir: Fundamentalmente por manexabilidade por unha soa persoa

Ola son Arturo Loureiro de Ferrol, primeiro e ante todo felicitar a Ochoa por esa iniciativa da construcción dunha dorna de 8.40 mts. eu tamén aseguro que a vela marconi vai moito millor para navegar de bolina ou ceñida e según o amigo Mini dice que unha cangrexa e un foque ben aparellados son semellantes a unha marconi barloventeando, que os barcos modernos navegan millor pero é polas caracteristicas da construcción do casco e da orza mais concebido para ceñidas a rabear, non estou de acordo en que sexa mais sinxela a maniobra nin en que fagan falla duas persoas para manexala, eu teño unha embarcación de seis mts. de eslora mais dous m. de bauprés o que fan 8m. con cangrexa e foque e a manexo eu solo incluso con ventos duros, outro aspecto que é opinable é o feito de que para min tamén e mais elegante a cangrexa, que logo podes completar con foque e trinqueta incluso escandalosa e eso faille ó barco unha estampa preciosa.

Si nos esquencemos do romanticismo,estamos perdidos, ¡¡¡¡¡esto se unde!!!!!!!!

Con repeto ó reto da naveghasión en Muros, eu tamén me apunto a ese desafío, que a orghanisasión do encontro poida telo previsto e sinón podemolo arghallar unha vez esteñamos metidos en salsa.

un saúdo e boa singladura.

Arturo

Rematei de ler o extenso comentario no que nesta discusión se transcriben, parcialmente, artigos do Regulamento. A verdade é que con tanta prohibición non se poderían celebrar moitas das actuais competicións. Pero tamén ocorre que mesturar unha clase de barcos coas outras non deixa de ser coma se na clase Tornado puideran competir os 470. A verdade é que non sei nada de regatas, nin se so pode ou non pode ser. Pero o que a min me parece, xa que estamos a falar de promover a cultura marítima tradicional, é que, sen dúbida, unha certa mestura -como en tódolos ámbitos da vida- é cousa boa e axudaría a ter maiores coñecementos.

Noutro dos temas que se tocan, o referido ás innovacións, non cabe dúbida que son boas se non correríase o risco de quedármonos estancados, pero entendo que tamén hai que presaervar, como unha cuestión etnográfica, o xeito do navegar tradicional en dorna

Seguramente cando se fixeron as primeiras dornas en Galicia a xente diría que qué barbaridade e qué cousa mais fea esas modernidades copiadas dos nórdicos, con esas táboas así postas unhas sobre as outras, e mirade o timón...

E agora é a embarcación emblemática de Galicia, e se un lle coloca unha vela marconi a unha dorna parece a extinción da raza.

Eu penso que o concepto tradicional básase na madeira, e mentras siga habendo botes de pau todo vai ben.

Falase de velas de evolución de novas construccións de antigua de moderno.
1º Esta demostrado que foi dos nordicos de quen se aprendeu a construir en tingladillo?
2º Evolución ... Involucion ????. fixadevos na imaxen que compón a doble vela dos modernos VOR70, anda por ahí en algún blog.

Avelino, nin te lies nin te perdas, avante toda, o tempo o dirá. E sinon !!! os teus ...!!

Sorro.

Moi interesante iste debate sobre embarcacions tradicionais e as suas velas. O primeiro felicitar a o Sr. Ochoa por isa embarcación que seguro vai lucir polas nosas costas e a valentía de usar tecnoloxia dos nosos tempos pra facer una fasquia mais que probada. O que pra min, fai unha embarcación tradicional non e o material de que esta feito, -veanse os Botes de Carril- é isa fasquía de unha embarcación que alguna vez navegou polas rías, e que, de alguna maneira, non traicione moito a maniobra que conocemos ou suponemos de ise barco.
Estou con Arturo, a quen saudo, que a elección de unha marconi frente a cangrexa por cuestions de facilidade de manexo en solitario non e tan relevante. A marconi pode ser mais doado de alistar que a cangrexa. Cuestión de drizas.
O que eu me plantearía é si a marconi se adapta a embarcacións de quilla corrida como as nosas. A marconi pide orza. E certo que unha dorna ten unha superficie mollada considerable pero ao millor sería cuestión de plantearse unha orza de sable ou aljo paresido.
En fin o tempo pon todo no seu sitio e a experiencia o dirá. Sorte e ánimo Sr. Ocho. Alá en Muros nos veremos. Pronto.

Curioso este debate. Primeiro o do regulamento, e tamén o da "mestura" de tecnoloxías nas dornas, onde a Sara ten moito que dicir.

Fai un par de anos o Sr Presidente da Federación recomendoume que lera o Regulamento de Regatas e que lle dera a miña opinión respecto él. A min pareceume correcto o tal texto; necesario, supoño que tamén; pero de ahí a que se estea aplicando hai moito, e esto é o que mais me gusta. Dicía por aquí arriba o Sorro que hai quen pasa e quen non pasa, hai quen vai ás regatas a pasar un bo rato, e hai a quen se lle vai a vida. Os dous casos son aptos e respetables, hai sitio para os dous, pero desde a miña opinión, menos mal que os primeiros son maioría. Hai veces que hai algún que outro jaleo, pero, acaso non os hai onde os regulamentos se aplican ata o último extremo? supoño que desto saberá moito o Sr. Ochoa, entonces o regulamento que pinta aquí? O regulamento, a parte de redactar uns criterios para que as dornas participen en "similares" condicións, o groso do regulamento, e así o entendo eu, é para preservar a integridade tradicional das dornas participantes. Estamos nunha federación Cultural, que bota man das regatas para seguir coa sua labor recuperativa, divulgativa e reivindicativa. Está claro que tamén se pode entender as regatas de dornas como competición pura e dura (moita xente állea a todo isto coa que falo do tema pois así o entende), pero dende a miña opinión, ahí é a onde nunca se deberá chegar, xa que si se trata de chegar antes, moito se lle pode modificar á dorna pra que ande mais, e ahí temos o perigo. Supoño que nestes debates participará algún que conoza como é o mundo deportivo federativo, chámese, vela, remo, piragüismo... (por poñer do mar), onde a competición é pura. A diferencia é notable, porque eu creo que son cousas totalmente diferentes -que non opostas-

Respecto ao de mesturar tecnoloxías, pois, veuse por aquí unha chea de opinións: dende que as nosas embarcacións son tradicionais por seren construidas en madeira e con técnicas tradicionais, ata que sen renunciar ás comodidades optan por introducir tecnoloxías actuais (electrónica, e tal e cual..). Falábase tamén de velas; que si ésta que si aquela; que si spinaker hortera... Hortera o spinaker e a marconi non?, hortera o spinaker a TV non? Non sei. Igual as cabezas están demasiadas cheas de ideas e parece que si non se fai algo, si non se introducen cambios, pois parece que nos quedamos atrás.

O que algúns lle chaman evolucións, ou avances, pois vese hoxe en día no mar: planeadoras e demais. Dende o meu punto de vista, as embarcacións tradicionais (aquí entra a definición que cada un crea axeitada para tradicional) entendo que DEBEN manterse tal e como eran co paso dos anos. Esto é o que temos que procurar asociacións e federación. As que existen que se manteñan e as que se fagan novas, que sexan iguais. Desconozo cando foi a primeira, pero hai xa unhas cantas dornas de fibra. Dorna é, pero o tradicional? Seguramente o que pensou nesta idea botou man desta técnica de construcción moito mais sinxela: un molde e saen coma churros!!! Claro está que o que queira experimentar e misturar técnicas, materiais e deseños tradicionais con avances, comodidades e necesidades actuais está no seu pleno dereito.

Personalmente, creo que estaría mais alegre vendo construir unha dorna, das medidas que sexan, pero con técnicas, deseño e materiais TRADICIONAIS. Imoslle aceptar que leve motor, electricidade e veña, GPS e incluso RÁDAR por iso da seguridade, pero todo ven disimuladiño, que non distorsione.

De tódolos xeitos, ánimo coa Sara e que vaia todo ben.

En primeiro lugar, gustaríame agradecer a tódolos participantes neste pequeno debate as súas achegas. Son un apoio. Todo o discutible é interesante.
E, ademáis, dicir que coa axuda inestimable de Ramón, o fabricante das velas, xa estamos a punto de definir o aparello: Sería, salvo que Ramón se bote atrás, unha maior cangrexa con algunhas veleidades coma funda na botavara e sables na baluma, un foque por dentro dos obenques e un gennaker ou asimétrica para rumbos portantes. Toda a jarcia sería reenviada a popa, onde iría a roda encastrada nunha bitácora cos elementos de navegación. Posiblemente a botavara teña o escotero por detrás do posto de pilotaxe, a popa de todo, coa finalidade de deixala bañeira libre.
Pois así imos indo, como demasiado pouca a pouco, pero, eso sí, seghuriños...

Alégrome muito de qeue isa Sara vaia vento en popa. E xa teño ganas de vela navegar por Muros. Axiña.