Vaise animando a cousa de Muros. Alguén sabe de onde procede este buque? Paréceme que pola popa non é de aquí, de Galicia... Será que o adquiriron fóra e ten aquí a súa base ?

De aqui non de Rianxo.

Foi construido no 1912 no Freixo co nome de Letroisis. Restaurado en Astilleros Catoira de Rianxo en 2007.
Aqui unas fotos:
http://www.fotosdebarcos.com/viewtopic.php?t=16742

Ola:
O barco chámase Evangelina, e foi construido en Rianxo en 1912. O seu casco era o característic dos galeóns das Rías, ainda que con maior eslora dos que vemos actualmente. A popa non é a orixinal, que foi cortada, xa que este barco, antes da sua recente restauración, estivo traballando de bateeiro a motor e sen arboladura. Era moi frecuente que a estes barcos lles cortaran a popa (de rabo de galo) para este uso. A moi coidadosa restauración non acometeu, sen emabargo, a restituación da orixinal popa, supoño que pola complexidade que conleva. Foi unha mágoa, porque modifica a preciosa estampa deste barco. De feito a cangrexa de popa, orixinalmente, tina unha botabara e arrastre moito máis longos, dandolle ao trapo un aspecto máis airoso (agora parece achatada). Igualmente a restauración engadiu eses voluminosos soportes para o bote auxiliar que asoman por popa, o que, ao meu entender, contribuen a desdibuxar a silueta orixinal, en perxuizo do barco, creo eu. Os armadores denominan ao barco "goleta", definición xenérica que, se ben non lle acae mal, penso que non é tan precisa como "galeón de dous paus" ou "galeón aparellado de goleta", que entendo que é como se chamaría nestas Rias, xa que os barcos, tradicionalmente, denominábanse pola forma do casco, non polo aparello. De todos xeitos o aparello non é exactamente de goleta, porque non arbola escandalosas. En todo caso o barco é unha preciosidade e os seus armadores ( Os propietarios de Mobles Rial, de Rianxo, se non me angaño) merecen todos os parabéns, por "embarcarse" (e meter os cartos) nesta belísima restauración, moi coidadosa e tradiconal, por certo (ata o aparello das velas vai amarrado, sen argolas de aceiro nen cables, no canto de comprar un mamotreto de fibra deses que abundan por estes lares.
A Evanxelina está anotada nos encontros de Muros, así que teremos a ocasión de vela e disfrutala de cerca.
Unha aperta Suso