A conselleira do Mar, Rosa Quintana, acompañada polo presidente da Federación Galega pola Cultura Marítima e Fluvial, Víctor Fernández, inaugurará o hoxe, venres 3 de xullo, ás 19.30h. na capela de San Xosé de Muros (a Coruña), dúas exposicións que dan inicio aos actos de presentación do IX Encontro de Embarcacións Tradicionais de Galicia, que terá lugar do 9 ao 12 de xullo nesa vila. Acompañando a Quintana e Fernández estarán o presidente do Comité Organizador do Encontro, Manuel Sendón; o alcalde de Muros, Domingos Dosil; o alcalde de Carnota, José Oreiro; e diferentes representantes das confrarías de pescadores da comarca.

As exposicións que inaugura hoxe a conselleira amosaranse na sala de exposicións e na capela de San Xosé de Muros. A primeira, do pretixioso investigador sueco Staffan Môrling, leva o título de Illa de Ons: unha cultura unha identidade. A segunda céntrase no Patrimonio Marítimo de Muros e Carnota.