Barcas do Minho, xunto co Concello de Monforte organizan o vindeiro 31 de xullo a Festa do Rio, en Monforte, dentro das actividades de Verán no Cabe.
Como noutras edicións, haberá navegación e exposicións relacionadas coa cultura dos rios.

O vindeiro sábado terá lugar a III Regata Calmoseira. A saida será en Cambados ás 12:00 e a entrega de premios será ás 15:00 horas.

A Asociación de Veciños A Ostreira, de Abelleira organizan do 30 de xullo ao 1 de agosto a Festa do Mar. Abelleira Mariñeira 2010.
O programa inclue navegación, música, deportes e xogos tradicionais e ofrenda floral aos falecidos no mar.
Está prevista entre outras a presencia do Joaquín Vieta, coa súa exposición, dornas do Lajareu que veñén en travesía e de dous currachs do Naomhóga Chorcaí, que veñen de Cork, Irlanda.

O vindeiro 31 de xullo vai ter lugar o III Encontro en Aldán, coincidindo coas Festas de Aldán, e organizado por Mar da Pedra e a Asociación Cultural Nosa Señora do Carme de Aldán.
O programa inclue información sobre navegacion e sobre as Festas de Aldán.

Do 23 ao 25 de xullo vai ter lugar a Iª Concentración de Galeóns ‘A Rabandeira’ en Vilanova de Arousa, e a Travesía Xacobea polo Ulla, ata Catoira.
O traballo feito nos últimos anos na recuperacións dos galeóns vai mostrarse nesta xuntanza, a pesar de que algúns dos barcos ainda non remataron por completo a súa recuperación por falta de axudas, esperamos que a Concentración sexa un fito, xa que nunca nos tempos recentes se xuntaron tantos barcos desta tipoloxía.

Segundo o programa, o 23 recibirase aos barcos participantes, o 24 haberá unha homenaxe a José Paz Brión (o señor José) e logo os barcos farán a Travesía ata as Torres do Oeste, en Catoira, rememorando a ruta xacobea a Padrón e a ruta que facían os galeóns ata Pontecesures. Logo de xantar e aproveitando a marea volverán a Vilanova onde haberá música pola noite.

Este evento está organizado pola Asociación Rabandeira de Vilanova de Arousa e a FGCMF, conta coa colaboración do Concello de Vilanova, do Concello de Catoira, do ateneo Vikingo e de Protección Civil, e co patrocinio da Xunta de Galicia, o Xacobeo 2010 e a Deputación de Pontevedra.

A noticia no Faro de Vigo
Actualización: estas son algunhas das noticias publicadas pola prensa sobre a Concentración
Ruta Xacobea con galeones y dornas (Faro de Vigo)
La procesión del Carmen y los galeones llenan la ría de devoción y colorido (Faro de Vigo)
Los galeones regresan a la mar (La Voz de Galicia)
Ulla arriba a bordo de galeones (La Voz de Galicia)
«A cultura marítima galega é a que ten o potencial para ser un referente» (La Voz de Galicia)
Los galeones vuelven a navegar el Ulla (El Pais)
La ría de Arousa rinde homenaje al galeón típico gallego (El Mundo)
Más de una docena de galeones históricos de Arousa remontarán el río Ulla desde Vilanova (Vilanovadearousa.com)
Las embarcaciones tradicionales gallegas toman este fin de semana el Ulla (Expreso.info)
A lancha volta à Galiza

Hoxe La Voz de Galicia publica varias noticias sobre a delicada situación dos grandes barcos de interese patrimonial que pertencen a empresas e que están a pasar un momento moi duro e nalgúns casos, como o Hidria, xa decidiron buscar portos base fora de Galicia.

Os vindeiros 24 e 25 de xullo vai ter lugar a 2ª Mostra das Tradicións Mariñeiras no porto da Guarda. O programa empeza realmente o 21 de xullo coa proxección do video Lendas do mar da Guarda, seguido dunha charla coloquio.

Haberá exposicións de barcos, maquetas, cestería, traxes, etc. Os obradoiros serán de cestería, nós, cordoería, encascado, modelismo, etc. E haberá tamén actividades lúdicas como paseo en gameliñas, lanchas teledirixidas, deportes náuticos, etc. Non faltará a música, a gastronomía, e o mercado mariñeiro.

O Clube Marítimo Marisma da Ramallosa e a FGCMF colaboran na organización deste evento xunto a moitas outras entidades

A Asociación de Mariñeiros de Bouzas vai botar o seu novo barco o vindeiro sábado 24 de xullo , ás 18:00 h na rampla do Adro, en Bouzas.
A Falucheira é unha dorna xeiteira, cunha eslora de 7,49 m. aparellada con vela de relinga, e que foi contruida en Aguiño polo mestre Ayaso. Na foto de arriba podedes ver o momento en que foi sacada do taller de Ayaso para o seu traslado a Vigo.
É unha excelente noticia que un novo barco deste tipo se incorpore á flota, e máis nestes tempos nos que non hai axudas institucionais. Desexámoslle unha longa vida e bo vento.
Actualización: A botadura na prensa
La dorna “A Falucheira” se hace a la mar en Bouzas

Os vindeiros días 23 e 24 de xullo vai ter lugar a VIII Regata de Embarcacións Tradicionais "Porto de Redes"?, organizada polo Club Marítimo de Redes.
O 23 será o Desafio Redes-Irlanda, entre o Sauntress e o Abur. Pola noite haberá cea (20 euros) e os interesados deben apuntarse no Club de Tenis de Redes ata o xoves 22. O 24 ás 16:30 h será a VIII Regata, e rematará con entrega de agasallos e uns pinchos.
Os interesados en participar na regata poden enviar un correo cos datos da embarcación a cmr@caamouco.net.

Amigos da Dorna Meca acaba de comunicar que queda aprazada a XIV Regata dos Faros. O pronóstico de ventos fortes fai aconsellable aprazar a regata por motivos de seguridade. Comunicarase con tempo a nova data en canto a fagan pública os organizadores.